طالبانو ملي ټلویزیون په راډیو بدل کړ

د معمار پرس د خبر له مخې؛ طالبانو په کابل او ولایتونو کې د ملي راډیو او شریعت غږ راډیو لپاره د ټرانسمیټرونو د نصبولو پروژه داوطلبي کړې ده. دا اقدام په داسې حال کې کېږي چې سرچینو تایید کړې چې طالبان په پام کې لري چې ملي ټلویزیون د شریعت غږ په راډیو بدل کړي. د طالبانو تر کنټرول لاندې ملي ټلویزیون په X ټولنیزه شبکه کې اعلان وکړ چې په دې پروژه کې په کابل او مختلفو ولایتونو کې د راډیویي خپرونو د خپریدو لپاره د شارټ ویو ټرانسمیټرونو نصبول شامل دي. ویل کیږي چې دا کار د طالبانو د هغه پلان یوه برخه ده چې غواړي په ټول هیواد کې راډیويي خپرونې پراخې کړي.