طالبانو د روغتیا وزارت: په هېواد کې ۲۱ سلنه مړینې د زړه د ناروغیو له امله کېږي

د معمار پرس د خبر له مخې: د دغه وزارت د روغتیايي خدمتونو د رسولو وزیر عبدالولي حقاني دغه څرګندونې د زړه د نړیوالې ورځې په مناسبت جوړې شوې غونډې ته وکړې چی په هېواد کې د ۲۱ سلنه مړینې لامل د زړه ناروغۍ دي. ښاغلي حقاني له نړیوالو سازمانونو وغوښتل چې د معیاري طبي خدمتونو په وړاندې کولو کې په ځانګړې توګه د زړه په برخه کې همکاري وکړي. ډاکټران د زړه د ناروغيو لامل د وينې لوړ فشار، د سګريټ څکول او غيرفعاليت ګڼي.