طالبانو د بهرنیو اسعارو کارول منع کړل

د معمار پرس د خبر له مخې؛ لکه څنګه چې د کابل په بازار کې د ډالرو بیه لوړیږي، طالبانو اعلان کړی چې په ټولو کورنیو معاملو کې باید افغاني کرنسي وکارول شي او د بهرنیو اسعارو له کارولو ډډه وشي. د طالبانو د دې حکم له مخې، افراد اجازه نه لري چې له ۵۰۰۰ ډالرو څخه زیات د هوايي لارې او له ۵۰۰ ډالرو څخه زیات د ځمکې له لارې له هیواده بهر یوسي. همدارنګه، د یو ملیون ډالرو څخه د زیاتو قاچاق به د یو کال بند او د شتمنیو ضبطولو سزا ولري. طالبانو د ډالرو، سرو زرو، قیمتي ډبرو او تاریخي اثارو د قاچاق د مخنیوي مسؤلیت خپل د استخباراتو عمومي ریاست، کورنیو چارو وزارت او دفاع وزارت ته سپارلی دی.