سعودي عربستان ته د الجولاني سفر

د معمار پرس د خبر له مخې؛ احمد الشرع (محمد الجولاني)، د سوریې د انتقالي دورې مشر چې ځان یې د سوریې ولسمشر اعلان کړی دي، د خپل لومړي رسمي بهرني سفر په ترڅ کې د سعودي عربستان پلازمینې ریاض ته ورسید. د سوریې موقت ولسمشر احمد الشرع او د سوریې د بهرنیو چارو وزیر اسعد الشیباني ریاض ته رسیدلي او ټاکل شوې ده چې د سعودي له ولیعهد محمد بن سلمان سره وګوري. په دې سفر کې د سوریې د بهرنیو چارو وزیر اسعد الشیباني له الجولاني سره ملګری دی. ریاض ته په رسیدو سره، د ریاض چارواکو لخوا یې هرکلی وشو.