د نړۍ د بې وزلۍ شاخص: د افغانستان دوه پر دریمه برخه نفوس په مطلق فقر کې ژوند کوي

په افغانستان کې د بې وزلۍ د نړیوال شاخص او د ملګرو ملتونو د پراختیايي پروګرام د ګډ راپور له مخې، په ۲۰۲۲ او ۲۰۲۳ کلونو کې له دوه پر درېیمه برخه نفوس (شاوخوا ۶۴.۹٪) په مطلق بې وزلۍ کې وو. د تېرو کلونو په پرتله دغه زیاتوالی په دغه هېواد کې د اقتصادي او ټولنیز کړکېچ د لا خرابېدو څرګندونه کوي. وروسته له هغه چې طالبانو واک واخیست، محدودیتونو او د نړیوالو مرستو کمولو په افغانستان کې د کورنۍ اقتصاد د پام وړ کمزوری کړ. په افغانستان کې د بې وزلۍ دغه زیاتوالی د میلیونونو خلکو پر ژوند د اغېزمنېدو سربېره په سیمه کې د بې ثباتۍ او ټولنیزې کړکېچ د زیاتېدو لامل کېدای شي.