د “مهر” د همغږي او آزادۍ شورا د شتون اعلان

د همغږي او آزادۍ فورم چې د “مهر” په نوم پیژندل کیږي، په بهر کې د سیاسي، مدني، بشري حقونو او کلتوري فعالانو څخه جوړ شوی دی. دغه مجلس په یوه اعلامیه کې ویلي دي چی دا یو “روښانه” او “غوښتنې پر بنسټ” تمایل دی چې د بشري حقونو، دیموکراتیکو نورمونو او د ټولنیز عدالت له ارزښتونو سره په مطابقت کې د افغانستان چارې له سیاسي، کلتوري او تمدني غوښتنو سره سم تعقیبوي. د “مهر” د همغږي او آزادۍ شورا ویلي دي چی د دې حرکت موخه د افغانستان په سیاسي، کلتوري، ټولنیزو او مدني برخو کې د متنوع او فعالو ځواکونو او ظرفیتونو ترمنځ همغږي رامنځ ته کول دي، ترڅو د یوه مشروع او جامع مدني نظام پر بنسټ د افغانستان راتلونکي ته د انتقال لپاره دیموکراتیک حلونه وړاندې شي.