د مهاجرینو د ستونزو حل د طالبانو او ایراني چارواکو تر منځ د خبرو تمرکز دی

د معمار پرس د خبر له مخې؛ په مشهد کې د طالبانو جنرال قونسل فیض الرحمن عطايي په خراسان رضوي کې د بهرنیو اتباعو او مهاجرینو له عمومي رییس حسین شرافتی سره وکتل. په دې کتنه کې په ایران کې د افغان مهاجرینو د زیږون د سندونو د صادرولو، د پاسپورت د تصدیق او د طبي لګښتونو په ګډون د ستونزو په باب خبرې وشوې. عطايي د ايران له کوربه توب څخه د مننې په ترڅ کې د دغو ستونزو د حل غوښتنه وکړه. شرافتی دغه راز د مهاجرینو د ستونزو د حل او د سراوان د سرحدي پیښې په اړه یې د اوازې لپاره پر همکارۍ ټینګار وکړ.