د معمار خبري آژانس د راپور له مخې، عرفات جمال د ملګرو ملتونو د کډوالو د عالي کمېشنرۍ استازی په افغانستان کې، او ژاو شینګ د چین سفیر په کابل کې، د یوې کتنې پر مهال د بېرته راګرځېدونکو افغانانو وضعیت وڅېړه او د بشري مرستو او د بېرته ځای پر ځای کېدو د اسانتیاوو د پیاوړتیا په اړه یې بحث وکړ.
عرفات جمال ویلي: «د افغان مهاجرینو داوطلبانه او دایمي ستنېدل یوازې هغه وخت ممکن دي چې د هغوی د ژوند کولو، د اساسي خدماتو د لاسرسي او امنیت زمینه برابره سي، او دا کار د سیمې هېوادونو او نړیوالې ټولنې جدي همکارۍ ته اړتیا لري.»
په همدې حال کې، د چین سفیر ژاو شینګ ټینګار کړی چې بېجنګ به د افغانستان لپاره د بشري او پرمختیایي مرستو په برخه کې له نړیوالو بنسټونو سره خپلې همکارۍ ته دوام ورکړي. دا لیدنه په داسې وخت کې ترسره کېږي چې د افغان مهاجرینو د شړلو لړۍ په ځانګړي ډول له پاکستانه چټکه سوې او زرګونه کورنۍ په سختو شرایطو کې افغانستان ته بېرته راستانه سوې دي.
