د معمار خبري آژانس د راپور له مخې، معتبره سرچینې تاییدوي چې د قندهار د شورابک ولسوالۍ په سیمه کې یو ځل بیا د طالبانو او پاکستاني پوځ ترمنځ وسلهواله نښته سوې ده. ددې سرچینو په وینا، د اور تبادله د دواړو لورو ترمنځ په تېرو څو ساعتونو کې سوې، خو د تلفاتو او د نښتې د دقیق علت په اړه لا جزئیات نه دي خپاره سوي.
دا پېښه په داسې حال کې رامنځته کېږي چې په وروستیو میاشتو کې د افغانستان او پاکستان ترمنځ سرحدي کړکیچونه زیات سوي او څو ځلې نظامي بریدونه رپوټ سوي دي. تر اوسه پورې د دواړو هېوادونو رسمي چارواکو د دې نوې نښتې په اړه کومه څرګندونه نه ده کړې.
