د معمار وحدت د خبری آژانس د خبر له مخې؛ د طالبانو مشر ته منسوب په یوه غږیز ټیپ کې چې د پنجشنبې په ورځ د میزان په ۲۱ مه په ټولنیزو شبکو کې خپور شو، په افغانستان کې د یوه خالص اسلامي حکومت پر جوړېدو ټینګار شوی دی.
ملا هبت الله اخندزاده وويل چې د وزارتونو ټول قوانين او لوایح يې غوښتي او له علماوو سره يې شريک کړي دي.
د طالبانو مشر ویلي دي چې د یو خالص اسلامي نظام د تحقق په لاره کې به هر ډول فشار ته غاړه کیږدي.
ملا هبت الله له نړۍ سره د تعامل خبره وکړه، خو ټینګار یې وکړ چې دا تعامل به د شریعت خلاف نه وی.
تر اوسه معلومه نه ده چې د طالبانو مشر دغه څرګندونې په کوم ځاي کي کړې دي.
د يادونې وړ ده چې د طالبانو د ډلې د مشر دغه څرګندونې څو ورځې وروسته له هغې وشوې چې د دغې ډلې يوه پلاوي د قطر په دوحه کې د امريکا د مرکزي استخباراتو د ادارې يا CIA له مرستيال سره وکتل.
