د طالبانو له سفیر سره د ازبکستان د بهرنیو چارو وزیر په کتنه کې د کابل-تاشکند د اړیکو پر پیاوړتیا ټینګار

د معمار پرس د خبر له مخې؛ د ازبکستان د بهرنیو چارو وزارت د یوې اعلامیې په خپرولو سره دا خبره کړې ده چی عبدالغفار بحر په دغه هېواد کې د طالبانو نوی سفیر ټاکل شوی دی. د ازبکستان د بهرنیو چارو وزیر په تاشکند کې د طالبانو د حکومت له سفیر عبدالغفار بحر سره په کتنه کې له افغانستان سره د خپل هېواد د اړیکو پر پیاوړتیا ټینګار کړی دی. د اعلامیې پر بنسټ، د ازبکستان د بهرنیو چارو وزیر په ازبکستان کې د طالبانو د سفارت له نوي سفیر سره وکتل او په دوه اړخیزو، سیمه ییزو او نړیوالو اندېښنو، د کابل او تاشکند ترمنځ د اړیکو پر پیاوړتیا، له ظرفیتونو څخه د استفادې او د نویو پروژو پر پراختیا خبرې وکړې.