د طالبانو د کار او ټولنيزو چارو وزارت سرپرست ملا عبدالمنان عمري قطر ته د خپل سفر په لومړۍ ورځ د دغه هېواد د کار له وزير ډاکټر علي بن صميخ العمري سره وليدل او خبرې يې ورسره وکړې. په دې کتنه کې دواړو لورو د ګډو ګټو، د کار او ټولنيزو چارو په برخه کې د دوه اړخيزو اړيکو، په قطر کې د مېشتو افغان کارګرانو پر ستونزو او دغه هېواد ته د مسلکي او نيمه مسلکي افغان کارګرانو د قانوني لېږلو په اړه خبرې وکړې. په دې کتنه کې ملا عبدالمنان عمري په قطر کې د افغان کارګرانو د ستونزو د هواري لپاره د طالبانو پر ژمنې ټينګار وکړ او په دې برخه کې يې د دواړو هېوادونو ترمنځ د لا زياتو همکاريو غوښتنه وکړه. د قطر د کار وزیر ډاکټر علي بن صمیخ العمري هم له افغانستان سره د کارموندنې په برخه کې همکارۍ ته چمتووالی وښود.
- 80
لنډ لینک: https://memar.press/?p=8827
۱ کال مخکی
د خبر شمیره 8827
کې خپور شو 3:06 ب.ظ
Facebook
Twitter
WhatsApp
Telegram
Email
اړونده منځپانګه
