د طالبانو دریځ: د اسلامي نظام د رهبرۍ اطاعت د هر مسلمان مکلفیت دی

د معمار پرس د خبر له مخې: د طالبانو د حکومت د امر بالمعروف او نهی عن‌المنکر وزیر محمد خالد حنفي تخار ولایت ته په سفر کې ویلي چې خلک باید د اسلامي نظام اطاعت او ملاتړ وکړي. ښاغلي حنفي دغه څرګندونې د دغه ولایت له سیمه ییزو چارواکو، علماوو او قومي مشرانو سره په کتنه کې وکړې چی د جهاد اصلي موخه د شر او فتنې له منځه وړل او د ټولو شرعي احکامو پلي کول دي. دغه طالب چارواکي زیاته کړه چې د دې ډلې چارواکي د خلکو د ستونزو هواري ته ژمن دي او د هر مظلوم له حقونو څخه دفاع کوي.