د معمار خبري آژانس د راپور له مخې، ذبیحالله مجاهد وویل چې د طالبانو مذاکراتي پلاوی نن چهارشنبه، د لړم ۱۴مه، د پاکستاني چارواکو سره د خبرو لپاره ترکیې ته سفر کړی دی.
د راپورونو له مخې، د طالبانو او پاکستان ترمنځ درېیمه دوره خبرې سبا پنجشنبې، د لړم ۱۵مه، په ترکیه کې پیل کېږي.
د دې ناستې د مذاکراتي پلاوي مشر، عبدالحق وثیق، د طالبانو د استخباراتو عمومي رییس دی، او د پاکستاني پلاوي مشر عاصم ملک، د پاکستان د پوځ د استخباراتو ادارې (ISI) رییس دی. دغه خبرې په داسې حال کې ترسره کېږي چې د دواړو هېوادونو اړیکې په وروستیو اونیو کې د سرحدي ترینګلتیاوو، د افغان کډوالو د پراخ ایستلو، او د اسلامآباد له لوري پر طالبانو افراطی ډلو ته د پناه ورکولو تورونو له امله بېساري کړکېچ ته رسیدلي دي.
د دې ناستې د ترسره کېدو له امله، د دواړو خواوو د لوړپوړو امنیتي چارواکو ګډون د وضعیت د حساسیت او د بحران د زیاتېدو مخکې د دیپلوماتیکو حللارو د موندلو هڅې څرګندوي. تراوسه د خبرو رسمي اجنډا یا جزئیات نه دي خپاره سوي.
