د ترکیې پخوانی صدراعظم: غزه باید د ترکیې سره د یوې خپلواکې سیمې په توګه یوځای شي

د معمار پرس د خبر له مخې؛ د ترکیې پخواني صدراعظم احمد داود اوغلو په جنجالي څرګندونو کې وړاندیز کړی چې غزه دې د ترکیې سره د یوې خپلواکې سیمې په توګه یوځای شي. د عثماني امپراتورۍ تاریخ ته په اشارې سره، اوغلو ادعا وکړه چې دا سیمه باید د ترکیې برخه شي او اوسیدونکي یې باید په عامه ټولپوښتنه کې د دې مسلې په اړه پریکړه وکړي. دا څرګندونې په داسې حال کې شوې چې د امریکا ولسمشر ډونالډ ټرمپ مخکې د غزې د اوسیدونکو ګاونډیو هیوادونو ته د لیږدولو مفکوره راپورته کړې وه. ټرمپ حتی د غزې د نیولو ادعا کړې ده، چې پراخ غبرګونونه یې راپارولي دي.