د ایران د بهرنیو چارو وزیر: تهران د افغانستان د امنیت او پرمختګ ملاتړ کوي

د معمار پرس د خبر له مخې؛ د ایران د اسلامي جمهوریت د بهرنیو چارو وزیر سید عباس عراقچي د افغانستان له ثبات، دوامدار امنیت او پرمختګ څخه د ایران په ملاتړ ټینګار وکړ. د ایران د بهرنیو چارو وزیر دغه څرګندونې په افغانستان کې د ایران د سفارت له نوي مشر علي رضا بیګدلي سره د کتنې پر مهال وکړې. په دې کتنه کې بيګدالي د خپل ماموريت د حالت په اړه راپور وړاندې کړ او د دواړو هېوادونو ترمنځ د اړيکو او دوه اړخيزو همکاريو د پراختيا په اړه يې راتلونکي پلانونه بيان کړل.