د امریکا کانګرس غړی: طالبان باید د امریکایی مالیه ورکوونکو څخه یو سینټ هم ترلاسه نه کړي

د معمار پرس د خبر له مخې؛ د امریکا د ولسي جرګې غړې انا پاولینا لونا افغانستان ته د مالي مرستو په ورکولو نیوکه وکړه او ټینګار یې وکړ چې طالبان باید د امریکایي مالیه ورکوونکو څخه هیڅ پیسې ترلاسه نه کړي. هغه د ټیم برچیټ د هغه قانون ملاتړ کړی چې له مخې یې طالبانو ته د امریکا مرستې بندې شوې دي. د امریکا د ولسي جرګې غړي په ایکس (پخوانی ټویټر) کې په یوه پیغام کې اعلان وکړ: “موږ هره اونۍ طالبانو ته ۴۰ میلیونه ډالر ورکوو، هماغه ډله چې زموږ حاکمیت او امنیت ګواښي.” هغه ټینګار وکړ: “د امریکایی مالیه ورکوونکو د پیسو یوه سینټ هم باید ترهګرو ته لاړه نشي.”