د افغانستان په ۱۶ ولایتونو کې د پولیو واکسین کمپاین پیلیږي

د “افغانستان د پولیو څخه پاک” رسمي پاڼې اعلان وکړ چې د پولیو واکسین نوی کمپاین به سبا (دوشنبه، د دلو ۸مه) د هیواد په ۱۶ ولایتونو کې پیل شي. دا پروګرام، چې موخه یې د پولیو له منځه وړل دي، د کندهار، هلمند، ارزګان، زابل، پکتیا، پکتیکا، خوست، غزني، ننګرهار، لغمان، کنړ، نورستان، کابل، بغلان، هرات او بادغیس ولایتونه تر پوښښ لاندې راولي. د روغتیا نړیوال سازمان د شمېرو له مخې، تېر کال (۲۰۲۴) په افغانستان کې د پولیو ۲۵ مثبتې پېښې ثبت شوې وې. له دې جملې څخه ۱۴ پېښې په کندهار ولایت کې، اووه په هلمند، دوه په ارزګان او یوه په کونړ او نورستان ولایتونو کې ثبت شوې دي. دغو احصایو د هیواد په سویلي او ختیځو سیمو کې د دې ناروغۍ د خپریدو په اړه اندیښنې راپورته کړې دي.