د افغانستان د کاني زیرمو په استخراج کې د هندي پانګوالو لېوالتیا

د معمار پرس د خبر له مخې: د هند د زیربنایی پروژو د استخراجی شرکت د دفتر رئیس سرینواش اکاپیدی او د هغه ملګرو د طالبانو د کانونو او پټرولیم وزارت سرپرست هدایت الله بدری سره په کتنه کښې د دغه هېواد د معدنی زیرمو په برخه کښې له پانګونې سره لېوالتیا څرګنده کړه. د طالبانو له خوا نن یکشنبه د میزان ۱۵ مه په خپره شوې خبرپاڼه کې راغلي چې په دې کتنه کې سرنواش اکاپيدي د ياد شوي شرکت د کار او فعاليتونو په اړه هراړخيزه معلومات وړاندې کړل او زياته يې کړه چی دغه شرکت له دېرشو کلونو څخه زياته کاري تجربه لري او د کانونو په برخه کې تجربه لرونکي انجنيران او کارپوهان لري. د سرچينې په وينا، دغه هندي پانګوال د فلزي کانونو، قيمتي ډبرو او د نفتو او ګازو په برخه کې د پانګونې لېوالتيا ښودلې ده. د يادونې وړ ده، چې د طالبانو د حکومت له پرځېدو وروسته ډېرو هېوادونو د افغانستان د کاني زېرمو استخراج ته لېوالتيا ښودلې ده.