د افغانستان د زعفرانو اتحادیه: په هرات کې څه باندې ۵۰ زره ښځې د زعفرانو په پروسس بوختې دي

د معمار پرس د خبر له مخې؛ دا خبره د افغانستان د زعفرانو د اتحادیې مرستیال سید عبدالواحد سادات وکړه چی په دغه هېواد کې د زعفرانو ۸۵ سلنه پروسس د ښځو له خوا ترسره کېږي. هغه زياته کړه، چې اوسمهال په هرات ولايت کې له ٥٠ څخه تر ٦٠ زرو پورې ښځې په دې برخه کې کار کوي. طالبانو تر دې مخکې اعلان کړی و چې د کوکنارو پر کښت له بندیز وروسته د افغانستان په ۲۶ ولایتونو کې د زعفرانو کښت زیات شوی دی. د طالبانو د صنایعو او سوداګرۍ وزارت د ثور میاشتې په پیل کې ویلي و، چې تېر کال د ۴۹ میلیونه ډالرو په ارزښت ۶۷ ټنه زعفران ۹ هېوادونو ته صادر شوي دي.