د اسراییلو د داخلي امنیت وزیر د اوربند د موافقې په اعتراض کې استعفا ورکړه

د اسراییلو د رژیم د داخلي امنیت وزیر، ایتامار بن‌ګویر، د کابینې د خپل ګوند وزیرانو سره یوځای، د حماس سره د موافقې په اعتراض کې له خپلو دندو استعفا ورکړه. هغه دا تړون د اشغالګرو د ګټو پر ضد ګڼلی و او مخکې یې ګواښ کړی و چې که تړون لاسلیک شي نو له کابینې څخه به ووځي. د معمار پرس د خبر له مخې؛ د اسراییلو د ۱۲ چینل تلویزیون راپور ورکړ چې د رژیم د داخلي امنیت وزیر، ایتامار بن‌ګویر، د کابینې د خپل ګوند وزیرانو سره یوځای، د حماس سره د بندیانو د تبادلې د تړون په اعتراض کې خپلې استعفاوې وړاندې کړې.