حسن کاظمي قمي: ایران چمتو دی چې په افغانستان کې خپلې نیمګړې پروژې بشپړې کړي

د معمار پرس د خبر له مخې: د افغانستان لپاره د ایران ځانګړي استازي حسن کاظمي قمي له طالب چارواکو سره په لیدنه کې ویلي، تهران په افغانستان کې د نیمې پایې پروژې بشپړولو او د افغان بندیانو د لېږدولو لپاره چمتووالی ښودلی دی. دواړو لورو د سیاسي، اقتصادي او کلتوري اړیکو پر پراختیا ټینګار وکړ. ایران همدا راز د چابهار بندر د پراختیا په لټه کې دی چې افغانستان له پرانستې اوبو سره ونښلوي او په افغانستان کې مدني او علمي پروژې پلې کړي. طالبانو هم له ایران سره د اړیکو پراخولو ته چمتووالی ښودلی دی.