ایلان ماسک د بریتانیا د پارلمان د منحل کیدو غوښتنه وکړه

د معمار پرس د خبر له مخې: امریکایی میلیاردر او د ټیسلا شرکت اجراییوي رییس ایلان ماسک د برتانوي سیاستوالو په اړه په خپل وروستي انتقاد کې د پاچا دریم چارلز څخه وغوښتل چې د هیواد پارلمان منحل کړي. ماسک په مستقیم ډول د برتانیا لومړی وزیر کی‌یر سټارمر تورن کړی چې د انګلستان د لوی څارنوال په توګه د دندې پرمهال یې د ماشومانو جنسي تیري ډلې محاکمه کولو کې غفلت کړی. خو فایننشل ټایمز ورځپاڼې په یوه راپور کې دغه تورونه رد کړي او ویلي یې دي چې سټارمر د څارنوال په توګه د خپلې دندې په وروستیو کلونو کې له دغو جرمونو سره د مبارزې لپاره جدي اقدامات کړي دي.