افغان کډوال په بې ثباتۍ کې؛ له اماراتو څخه تر کوسوو پورې

د معمار پرس د خبر له مخې؛ له افغانستان څخه د بهرنیو ځواکونو له وتلو وروسته زرګونه افغانان په مختلفو هیوادونو کې په موقتي کمپونو کې په خورا سختو شرایطو کې ژوند کوي. دا کډوال، چې ډیری یې په متحده عربي اماراتو، جرمني، قطر او کوسوو کې میشت شوي دي، له جدي ستونزو لکه رواني ناروغۍ، د اسانتیاوو نشتوالی، او د جبري بیرته ستنیدو ویره سره مخ دي. د دې کمپونو ځینې یې، په ځانګړې توګه د کوسوو کمپ، د خورا خرابو شرایطو له امله د “کوچني ګوانتانامو” په نوم پیژندل شوي دي. سره له دې چې د امریکا متحده ایالاتو د دې کډوالو د بیا میشتیدنې ژمنې کړې دي، خو د دوی راتلونکی نامعلوم پاتې دی.