د معمار پرس د خبر له مخې؛ د طالبانو د کرنې او مالدارۍ وزارت د یوې اعلامیې په خپرولو سره د سږ کال د غنمو په حاصلاتو کې ۱۳ سلنه زیاتوالی اعلان کړ. هغه په دوام وويل، سږ کال د افغانستان شاوخوا ٢،١٤ ميليونه هکتاره ځمکه د غنمو کښت ته ځانګړې شوې ده. د وسله والو طالبانو د کرنې او مالدارۍ وزارت وياند مصباح الدين مستعين په ټول هېواد کې پر وخت او مناسب پسرلني اورښتونه د دې زياتوالي اصلي لامل بولي. هغه دې ته په افغانستان کې د خوراکي توکو د خوندیتوب او لا زیاتې خودکفایۍ په سترګه وکتل. د افغانستان د کرنې او مالدارۍ وزارت ویاند هم له بزګرانو سره د مرستې او په هېواد کې د کرنې د سکتور د ودې لپاره د طالبانو پر ژمنتیا ټینګار وکړ
لینک کوتاه: https://memar.press/?p=9504
۴ میاشتی پیش
شماره خبر 9504
منتشر شده در ۱۵:۰۱ - سرطان ۲۷, ۱۴۰۳
Facebook
Twitter
WhatsApp
Telegram
Email
