د معمار پرس د خبر له مخې؛ د ملګرو ملتونو مرستندویه پلاوي (یوناما) امنیت شورا ته د ملګرو ملتونو د سرمنشي انتونیو ګوترش درې میاشتنی راپور خپور کړی، چې د طالبانو د چارواکو ترمنځ د ناامنیو او اختلافاتو زیاتوالی ښيي. د ښاغلي ګوتریش د راپور په متن کې چې نن ماښام (جمعه، د سرطان ۱) خپور شو، راغلي چې د طالبانو تګلارې هم د افغانانو پر ژوند ناوړه اغېز کوي او بشري بوج زیاتوي. په راپور کې راغلي چې په افغانستان کې د فبرورۍ له لومړۍ نېټې څخه د مې تر ۱۳مې پورې امنیتي پېښې د ۲۰۲۳ کال د ورته وخت په پرتله ۵۵ سلنه زیاتې شوي او ډېری دغه بریدونه د ملي ازادۍ او مقاومت جبهې ترسره شوي دي. په هرصورت، راپور یادونه کوي چې وسله والو مخالفینو د ځمکنیو کنټرول په برخه کې د طالبانو واکمنۍ ته د پام وړ ننګونه نه ده کړې.
یوناما په افغانستان کې د امنیتي پېښو د ۵۵ سلنه زیاتوالي خبر ورکړی
لینک کوتاه: https://memar.press/?p=9177
۴ میاشتی پیش
شماره خبر 9177
منتشر شده در ۱۴:۱۸ - سرطان ۲, ۱۴۰۳
Facebook
Twitter
WhatsApp
Telegram
Email