په ترکيه کې د افغانستان سفارت طالبانو ته سپارل

دا په داسې حال کې ده چې تر دې وړاندې په استانبول کې د افغانستان کونسلګرۍ طالبانو ته د سپارلو خبرونه خپاره شوي وو خو رسمي سرچینو ویلي چې ملاعظیم اکبري په رسمي توګه په استانبول کې د طالبانو د قونسل جنرال په توګه دنده پیل کړې ده. دا لومړی ځل دی چې طالبان په رسمي ډول د ناټو په یوه غړي هیواد کې د افغانستان د سیاسي نمایندګۍ واک په لاس کې اخلي. د ترکیې په استانبول ښار کې د افغانانو د پام وړ حضور ته په پام سره په دغه ښار کې د افغانستان قونسلګري له افغانستانه بهر یو له مهمو نمایندګیو څخه ګڼل کیږي. تر دې وړاندې د طالبانو د بهرنیو چارو وزارت اعلان کړی و چې له ۷۰ هېوادونو سره اړیکې لري.