د معمار پرس د خبر له مخې؛ نړیوالو رسنیو خبر ورکړی، چې د سلواکیا لومړی وزیر رابرټ فیکو په یوه برید کې ټپي شوی او حالت یې ډېر نازک دی. د رویټرز خبري اژانس د راپور له مخې، د سلواکیا لومړی وزیر (چهارشنبه د ثور ۲۶مه) په هانډیلوا ښار کې له یوې غونډې له وتلو وروسته په ډزو ټپي شو. د دغه رپوټ له مخې د سلواکیا پر لومړي وزیر څلور مرمۍ توغول شوې او د هغه په ګېډه لګېدلی دی. هغه سمدلاسه د هانډیلوا ښار روغتون ته ولیږدول شو او له هغه ځایه یې د هلیکوپتر په واسطه د بانسکا بیسټریکا سیمه ایز روغتون ته ولیږدول شو. رویټرز د سلواکي رسنیو په حواله ویلي چې برید کوونکی ۷۱ کلن سړی و او تر اوسه موخه یې څرګنده نه ده.
لینک کوتاه: https://memar.press/?p=8663
۶ میاشتی پیش
شماره خبر 8663
منتشر شده در ۱۳:۰۵ - ثور ۲۷, ۱۴۰۳
Facebook
Twitter
WhatsApp
Telegram
Email
