طالبانو د پخوانیو حکومتي چارواکو لپاره د ۸۰۰ معافیت کارتونه اعلان کړل

د معمار پرس د خبر له مخې؛ دا خبره د طالبانو د شخصیتونو سره د تماس د کمیسیون ویاند احمدالله وثیق کړې ده چی تر دې دمه په تېر حکومت کې ۸۰۰ پوځي، حکومتي چارواکو او د ولسي جرګې غړو ته د معافیت کارتونه ورکړل شوي دي. نوموړي دا هم ویلي، چې په تېرو دوو ورځو کې د پخواني حکومت لس سیاستوال هېواد ته راستانه شوي دي. له شخصیتونو سره د طالبانو د تماس کمیسیون شاوخوا دوه کاله وړاندې په کار پیل وکړ او د هغې د جوړېدو موخه د تېر حکومت د سياسي څېرو بېرته راستانه کول او د امنيت تامينول دي. دغه کمېسیون په دې وروستیو کې پخوانیو سیاسي څېرو ته د معافیت د کارتونو وېش پیل کړ او له بهر څخه د راغلو سیاسي شخصیتونو تر څنګ په افغانستان کې پاتې پخواني سیاسي شخصیتونه هم دا کارتونه ترلاسه کولای شي.