د امریکا د بهرنیو چارو وزارت: واشنګټن د ملي ګټو د خوندیتوب لپاره له طالبانو سره خپلو اړیکو ته دوام ورکوي

د معمار پرس د خبر له مخې؛ د امریکا د بهرنیو چارو وزارت مرستیال ویاند ویدانت پاپتل په یوه خبري کنفرانس کې ویلي، چې واشنګټن د خپلو ملي ګټو د خوندیتوب لپاره له طالبانو سره خبرې کوي. ښاغلي پاپتل ​​زیاته کړه چې له طالبانو سره دا ډول ښکیلتیا د “افغانستان د خلکو او د متحده ایالاتو د ملي ګټو د ملاتړ” لپاره اړینه ده. د هغه په ​​وينا، دغه تعامل دا زمينه هم برابروي چې له دغې ډلې سره د هغو امريکايي اتباعو د خلاصون په اړه چې د طالبانو له خوا بنديان دي، مخامخ خبرې وکړي. د بهرنیو چارو وزارت د ویاند مرستیال زیاته کړه، له طالبانو سره د دغه هېواد تعامل له ترهګرۍ سره د مبارزې زمینه برابروي او په افغانستان کې د بشري حقونو مسله هم د واشنګټن په اجنډا کې ده.