د ملګرو ملتونو سرمنشي: د کابل د حکومت د مخالفینو ناستې بې پایلې وې

د ملګرو ملتونو سرمنشي انتونیو ګوترش د افغانستان په اړه په خپل نوي درې میاشتني راپور کې د طالبانو د حکومت د مخالفینو غونډې بې اغېزې بللې دي. راپور وايي چې د نومبر په وروستیو او د دسمبر په لومړیو کې د طالبانو مخالفو ډلو په مسکو، دوشنبه او ویانا کې غونډې وکړې، خو “په دغو غونډو کې د پام وړ همغږي نه وه او ډلو خپل معلوم دریځونه تکرار کړل.” تر دې مخکې په کابل کې د ملګرو ملتونو د ماموریت مشرې روزا اوتنبایوا د دغه سازمان د سرمنشي له خولې ویلي و چې له اوسني حکومت سره د اړیکو د پېچلتیا لپاره باید داسې اقدام ونه شي.