د هزاره ګانو د نسل وژنې او د ښځو د ظلم پر ضد په بېلابېلو هېوادونو کې د افغانانو مظاهرې

افغانانو د نړۍ په بېلابېلو ښارونو کې د طالبانو له خوا د هزاره ګانو د نسل وژنې او د ښځو پر وړاندې د ظلم پر ضد مظاهرې وکړې. تر اوسه د دغو مظاهرو ویډیوګانې او انځورونه د پاکستان په اسلام اباد، د جرمني په برلین او دوسلدورف، د سویډن په سټاکهولم، او د ایټالیا په روم کې خپاره شوي دي. په پاکستان کې د ښځو د حقونو فعالانو په افغانستان کې د طالبانو د واکمنۍ پر مهال د ښځو پر وړاندې د تبعیض پر ضد شعارونه ورکړل او ویې ویل: “موږ ویښ ښځې یو، له تبعیض څخه کرکه لرو.”