د معمار پرس د خبر له مخې: د طالبانو د کورنیو چارو وزارت ویلي چې د دغه وزارت سرپرست په کابل کې د یوناما له نوي مرستیال او د ملګرو ملتونو د بشري او پراختیايي چارو له مرستیال سره کتلي او خبرې اترې کړي دي. د طالبانو د کورنیو چارو وزارت په خبرپاڼه کې راغلي چې په دې کتنه کې سراج الدین حقاني اندریکا راتوتي ته د هغې د نوې دندې مبارکي ورکړه او د یوناما د پخواني مرستیال ډانیل اندریس د ښه مدیریت ستاینه وکړه او هغه ته یې په راتلونکو هڅو کې د بریالیتوب هیله وکړه. خبرپاڼه زیاتوي، چې په دې کتنه کې هېواد ته د راستنیدونکو کډوالو لپاره د مرستو د رسولو او د ځای د برابرولو په اړه هم خبرې وشوې. د یوناما نوي مرستیال په افغانستان کې ټولیز امنیت خوندي وباله او ژمنه یې وکړه چې افغانستان ته به بشري خدمات وړاندې کوي.
لینک کوتاه: https://memar.press/?p=7541
۲ کلونه پیش
شماره خبر 7541
منتشر شده در 1:30 ب.ظ
Facebook
Twitter
WhatsApp
Telegram
Email
مطالب مرتبط
مطالب پیشنهادی
