د طالبانو د پوهنې وزیر: اوسنی وضعیت د شرعی احکامو د تطبیق لپاره تر ټولو ښه فرصت دی

د معمار پرس د خبر له مخې؛ د طالبانو د لوړو زده کړو وزارت سرپرست ندا محمد ندیم دغه څرګندونې په کابل کې د عربي ژبې د زده کړې او امامت د روزنې د انستیتوت د شپږمې دورې د فراغت په مراسمو کې وکړې و وویل چی اوسنی حالت د شرعي احکامو د پلي کولو تر ټولو ښه فرصت دی. نديم زياته کړه، بهرني هېوادونه هڅه کوي چې د خلکو ذهنونه تخريب کړي او غواړي په منفي تبليغاتو سره خلک له اسلام څخه لرې کړي. نوموړي علماوو ته په خطاب کې وويل: که نن له دې فرصت څخه ګټه وانخلو او د خداى دين په سمه توګه خلکو ته ونه‌رسوو، دا فرصت به له لاسه ورکړو او د خداى، امت او مسلمانانو په وړاندې به ملامت شو. په دې مراسمو کې له عربي ژبې څخه ۳۰ تنو، د امامت له څانګې څخه ۸۰ تنو او د اسلامي علومو له څانګې څخه ۴۷ تنو د فراغت مراسم ولمانځل.