طالبان: جګړه د حل لار نه ده، مخالفین باید د خبرو له لارې ستونزې حل کړي

د معمار پرس د خبر له مخې؛ فصیح الدین فطرت د طالبانو د پوځ لوی درستیز د افغانستان په شمال ختیځ کې بدخشان ته په یوه سفر کې وویل: هغه کسان چې د نظام پر ضد دي باید خپلې ستونزې د خبرو له لارې حل کړي. هغه زیاته کړه، د طالبانو مخالفان د جګړې له لارې پایلې نه ترلاسه کوي او جګړه د هیچا په ګټه نه ده. فطرت همداراز وویل چې په افغانستان کې د بهرنیو ځواکونو د حضور په اړه د منځنۍ اسیا د هېوادونو اندېښنې بې بنسټه دي. هغه زیاته کړه چې په افغانستان کې هیڅ بهرنی ځواک نشته او د منځنۍ اسیا هېوادونو ته یې ډاډ ورکړ چې د افغانستان خاوره به د دوی پر ضد نه کارول کېږي