د معمار پرس د خبر له مخې؛ د الوزراء دفتر عمومي ریاست وايي، د ملي تدارکاتو کمېسیون په نننۍ غونډه کې د څه باندې څلور میلیارد افغانیو په ارزښت د بېلابېلو پروژو وړاندیز شوی دی. د طالبانو د اقتصادي معین ملا عبدالغني برادر مطبوعاتي دفتر د چهارشنبې په ورځ (د قوس ۱۵مه) په یوه خبرپاڼه کې ویلي چې د ملي تدارکاتو کمېسیون په نننۍ غونډه کې د ۱۸ پروجکتونو قراردادونو په ګډون ۲۸ پروجکتونه تر بحث لاندې ونیول شوې او د ۵ پروجکتونو قراردادونه مسؤلو کمېټو ته وسپارل شول تر څو د دغو قراردادونو هر اړخیزه ارزونه وکړي او د ملي تدارکاتو کمیسیون راتلونکې غونډې ته یې د وروستۍ پریکړې لپاره وړاندې کړي. منظور شوې پروجکتونه د ملي دفاع، کورنیو چارو، مالیې، فواید عامې، مخابراتو او معلوماتي ټکنالوجۍ، برېښنا شرکت او کابل ښاروالۍ اړوندې دي، چې څلور میلیارده افغانۍ ارزښت لري.
لینک کوتاه: https://memar.press/?p=7121
۱۲ میاشتی پیش
شماره خبر 7121
منتشر شده در ۱۳:۵۰ - قوس ۱۶, ۱۴۰۲
Facebook
Twitter
WhatsApp
Telegram
Email
