د معمار وحدت د خبري اژانس د راپور له مخې؛ ښاغلي مک کینزي له پولیټیکو مجلې سره په یوه نوې مرکه کې د طالبانو له خوا د افغانستان د نیولو د یو کال په مناسبت وویل چې له همدې امله یې په افغانستان کې د لږو امریکايي ځواکونو د پاتې کېدو وړاندیز وکړ.
د هغه په وينا، طالبانو د دوحې په خبرو اترو کې ښه نيت نه درلود او د افغانستان د سقوط بنسټ د دوحې هوکړه ده.
د امريکا لوى درستيز، چې درې مياشتې وړاندې يې په منځني ختيځ کې د امريکايي ځواکونو قومانده پر غاړه درلوده، د سقوط او لاملونو په اړه يې ويلي، چې له افغانستانه د امريکايي ځواکونو بشپړ وتل يوه تېروتنه وه.
هغه زیاته کړه: “په وروستي رسمي استخباراتي ارزونه کې چې ما د اګست په اتمه رالېږل، ما وویل، زه فکر کوم چې کابل به سقوط وکړي. ما فکر نه کاوه چې هغه اونۍ په پای کې به سقوط وکړي. ما فکر کاوه چې دا به لږ وخت ونیسي، 30 ورځې یا ډیر وخت. خو ما احساس کاوه چې کابل به په لنډ وخت کې محاصره شي.
د هغه په وينا، د پنجشنبې يا جمعې په ورځ له طالبانو سره د خبرو لپاره دوحې ته ولاړ. هغه وايي چې له طالبانو څخه يې دا غوښتل چې د دې ډلې ځواکونه دې تر هغو کابل ته نه ننوځي چې د تخريب عمليات نه وي بشپړ شوي.
دغه پخوانی امریکايي سرتېری وايي، له هغه وخته چې په قطر کې یې له طالبانو سره وکتل، د دې ډلې ډیرې ځواکونه کابل ښار ته داخل شوي وو.
نوموړی زیاتوي چې په قطر کې یې طالبانو ته ویلي چې امریکا تخلیه کوي، که طالبان په دې پروسه کې لاسوهنه ونه کړي، امریکا به پرې برید ونه کړي.
مکینزي وايي چې د طالبانو اوسني مرستیال ملا عبدالغني برادر ورته ویلي وو چې امریکايي ځواکونه د امنیت د تامین لپاره کابل ته ننوتلي دي. د Centcom د پخواني قوماندان په وینا، دا ممکنه نه وه.
هغه همدا راز زیاته کړه، چې په ټولیزه توګه طالبانو د کابل له هوايي ډګره بهر د امریکايي ځواکونو په وتلو کې مرسته او امنیت برابر کړ.
مکینزي وايي، پلان درلود چې د اګست په ۱۶ کابل ته سفر وکړي، خو هوايي ډګر، ځغاستې د خلکو له خوا نیول شوې وې.
د هغه په وينا، د هوايي ډګر د بېرته نيولو لپاره امريکايي ځواکونو، افغان کمانډو او طالبانو شاوخوا ١٦ ساعته وخت ونيو.
هغه زیاتوي چې په هوايي ډګر کې ۴۰۰ طالب جنګیالي موجود وو او خلک یې په لندو وهل.
د دې پوښتنې په ځواب کې چې ایا هغه د امریکا ولسمشر ته خبرداری ورکړی و چې د امریکايي ځواکونو د وتلو په صورت کې به افغانستان د طالبانو لاس ته ولوېږي، مکینزي وویل چې ده په لیکونو کې ویلي چې که امریکايي ځواکونه ژر ووځي نو د سقوط احتمال شته.
هغه زیاته کړه: “زما نظر دا و چې که موږ له 2500 څخه صفر ته ورسېږو، نو افغان حکومت به ونشي کړای چې ځان وساتي او سقوط به وکړي. په لومړي سر کې زما مشوره دا وه چې موږ باید په 4500 نفره پاتې شو.”
مکینزي وايي، چې د امریکايي ځواکونو د وتلو، هغه بیا سپارښتنه وکړه، چې په افغانستان کې دې ۲۵۰۰ سرتېري تر نامعلوم وخته پاتې شي.
د Centcom پخوانی قومندان د دوحې خبرې د افغانستان د ناکامۍ اصلي لامل بولي.
هغه ټینګار وکړ چې امریکا هیڅکله په پاکستان کې د طالبانو د خوندي پټنځایونو ستونزه د قناعت وړ نه ده حل کړې. هغه څه چې مکینزي باور لري د افغان حکومت په نسکوریدو کې مرسته کړې ده.
د دې پوښتنې په ځواب کې چې د بایډن حکومت د وتلو پریکړه څومره ملامتوي مکینزي وویل چې دواړه امریکایي حکومتونه (بایډن او ټرمپ) غوښتل چې له افغانستانه ووځي.
نوموړي دغه راز په افغانستان کې د امريکا له وتلو وروسته د القاعدې د شتون په اړه هم خبرې وکړې او ويې ويل، چې د دې ډلې څارنه ستونزمنه شوې، ځکه امريکا اوس مهال لږ استخباراتي توان لري.
مکینزي وویل: “زموږ ټولو معلوماتو موږ ته ویلي چې طالبان به شاید اجازه ورکړي چې القاعدې ته بیا ځان پیاوړی کړي، او په ورته وخت کې، دوی (طالبان) ونه شي کولی چې داعش مات کړي. زه فکر کوم چې دواړه ډلې به وده وکړي.”
هغه د القاعدې د مشر د شتون په اړه هم زیاته کړه دا چې د القاعدې مشر ایمن الظواهري په مرکز کابل کې و ثابتوي چې طالبانو په ښکاره توګه د دوحې تړون په ناوړه نیت سره لاسلیک کړ.
