د طالبانو د مالیې وزارت اعلان وکړ چې د غوشقرې د نفتو د استخراج قرارداد یوه چینایي شرکت ته سپارل شوی دی.
د معمار وحدت د خبری آژانس د خبر له مخې؛ د دغه وزارت د معلوماتو له مخې، د دغه قرارداد پر بنسټ به د چینايي کمپنۍ اکسوس د افغانستان د تېلو او ګازو دولتي شرکت په همکارۍ د قشقرې تېل استخراج کړي.
دغه وزارت زیاته کړه چې د دغه قرارداد ۲۰ سلنه د افغانستان د تېلو او ګازو شرکت او پاتې نور به چینايي شرکت ته ورکړل شي.
د دغه راپور له مخې، د طالبانو د مالیې وزیر د دغه تړون د لاسلیکولو امر صادر کړی دی.
تر دې مخکې د طالبانو د لومړي وزیر مرستیال ملابرادر په مشرۍ د یوه لوړ پوړي پلاوي سره سرپل ولایت ته په خپل سفر کې د قشقرې د تېلو څاګانې پرانیستې.
د طالبانو د کانونو او پټرولیم وزیر دلاور د قشقرې د کان د پرانیستې په مراسمو کې وویل چې د دې تېلو د څاګانې عايد به د افغانستان په بیارغونه ولګول شي او یوه لویه برخه به یې سرپل ولایت ته ځانګړې شي.
د سرپل او فارياب ولايتونه د قشقرې، بازار کمي او زمردسازي په نومونو د تېلو درې څاګانې لري چي د رسمي احصایو له مخې، د دې ساحې د تثبیت شوي زیرمو اندازه ۸۷ ملیون بېرله اټکل شوې.
د تېلو دغه کان ۱۰ څاګانې لري، چې په اوسط ډول هره ورځ ۱۴ میلیونه افغانۍ عاید به ولري.
