د طالبانو د ډلې اداري مرستیال مولوي عبدالسلام حنفي د یکشنبې په ورځ په سعودي عربستان کې له یو شمېر افغان علماوو سره وکتل او له هغوی یې وغوښتل چې د طالبانو د رژیم د پیاوړتیا لپاره کار وکړي. په دې کتنه کې حنفي وویل چې د طالبانو اسلامي امارت د امنیت تامین او د خلکو لپاره د هوساینې رامنځته کول له خپلو مکلفیتونو څخه ګڼي او په دې برخه کې به له هیڅ راز هڅو څخه ډډه ونه کړي. هغه دغه راز وويل، د هېواد علما د طالبانو د رژيم د پیاوړتیا، د خلکو د ذهنونو په روښانه کولو او د خلکو د بېلابېلو برخو ترمنځ د يووالي د رامنځته کولو مسووليت لري او له هغوى يې وغوښتل چې په دې برخه کې لا زياتې هڅې وکړي.
لینک کوتاه: https://memar.press/?p=6041
۱ کال پیش
شماره خبر 6041
منتشر شده در ۱۴:۰۴ - سنبله ۲۷, ۱۴۰۲
Facebook
Twitter
WhatsApp
Telegram
Email
