د معمار پرس د خبر له مخې؛ د بشري حقونو د څار د ښځو د څانګې مرستیالې هیدر بار د چهارشنبې په سهار اعلان وکړ چې د ملګرو ملتونو امنیت شورا به ډېر ژر د افغانستان په اړه د یوې مربوطې کړنلارې لپاره وړاندیزونه وکړي.
بار په یوه بیان کې ویلي چې طالبان په سیستماتیک ډول په افغانستان کې د ښځو او نجونو له حقونو څخه سرغړونې ته دوام ورکوي. هغه زیاته کړه چې د بشري حقونو سرغړونې د اګست په میاشت کې هغه وخت زیاتې شوې چې د نړۍ ډیری ډیپلوماتان د اوړي په رخصتیو کې وو.
بار دا هم وویل چې ډیری ډیپلوماتانو د بشري حقونو ګټو ته په پام کې نیولو پرته، د تروریزم سره د مبارزې، مخدره موادو سره د مبارزې او د طبیعي زیرمو استخراج باندې د طالبانو سره په ښکیلتیا تمرکز کړی دی.