د معمار پرس د خبر له مخې؛ په قطر کې د طالبانو د سیاسي دفتر مشر سهیل شاهین یو ځل بیا غوښتنه کړې چې په ملګرو ملتونو کې د افغانستان د استازي څوکۍ دې دغې ډلې ته ورکړل شي.
شاهین په یوه ټویټ کې لیکلي: “ملګري ملتونه باید په دغه سازمان کې د افغانستان د استازي څوکۍ طالبانو ډلې ته وسپاري.”
هغه په یوه ټویټ کې لیکلي: دایمي استازی باید یو داسې کس وي چې د حکومت په استازیتوب په واک کې وي او د طالبانو حکومت پر ټولو پولو کنټرول لري او د خلکو ملاتړ لري او دا دوه مهم عناصر د څوکۍ د نیولو لپاره کافي دي.