د معمار پرس د خبر له مخې؛ د امریکا جګپوړو استخباراتي چارواکو د جمعې په ورځ (د سپتمبر ۸مه) اعلان وکړ چې نوې استخباراتي ارزونه ښيي چې په افغانستان کې د القاعده ګواښ په څو لسیزو کې تر ټولو ټیټې کچې ته رسیدلی دی.
د CNN خبري چینل د راپور له مخې، دغو چارواکو ویلي چې “د داعش د خراسان څانګه د طالبانو تر زیات فشار لاندې دی او په وروستیو میاشتو کې یې ډېر مهم مشران له افغانستانه وتلي دي.”
یوه امریکايي چارواکي ویلي چې د القاعده شبکې د فعالیتونو د کمېدو یو لامل دا دی چې له افغانستانه د امریکايي ځواکونو له وتلو وروسته یې خپل یو اصلي هدف له لاسه ورکړی دی.
