متقي: دښمنانو ته به اجازه ورنه کړو چې د افغانستان او ایران ښې اړیکې خرابې کړي

د معمار پرس د خبر له مخې؛ د طالبانو د بهرنیو چارو وزیر امیر خان متقي د ایران د پارلمان له استازو سره په کتنه کې څرګنده کړه: د ایران او افغانستان ګډ دښمنانو ته به اجازه ورنکړو چې زموږ ترمنځ ښې اړیکې خرابې کړي. په کابل کې د ایران د اسلامي جمهوریت سفارت په یوه بیانیه کې ویلي چې د ایران د پارلمان د استازو پلاوي د افغانستان د سوداګرۍ او صنایعو له وزیر نورالدین عزیزي سره هم وکتل.