د متکبرانو پر ضد راپورته کېدل، د انسان د بریا او کامیابی راز
خدای تعالی انسان د یو آزاد او خپلواک وجود په توګه پیدا کړی دی او د قرآن کریم د ایتونو په اساس یې هغه ته داسې عزت ورکړی دی چې هیڅ مخلوق ته یې نه دی ورکړی.
قرآن کریم در سوره مبارکه اسراء آیه ۷۰ میفرماید: «وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَی كَثِيرٍ مِمَّنْ خَلَقْنَا تَفْضِيلًا» یعنی “او موږ د آدم اولاد ډېر خوښ کړ او په وچه او بحر کې مو په اوښانو سپاره کړل او هر خوندور او پاک خواړه مو ورکړل او په خپلو ډېرو مخلوقاتو مو فضیلت ورکړ.”
اسلامي احکامو ته چې د خدای له کلام څخه اخذ شوي دي په عمومي نظر سره به ښه پوه شو چې الله تعالی د انسان لپاره په دنیا او آخرت کې خپلواکي، آزادۍ او بریالیتوب غوښتې ده او هر هغه څوک چې د دې اجزاو په وړاندې راپورته شي د قرآن له نظره دښمن ګڼل کیږي او خدای له هغه سره د پرېکنده چلند امر کړی دی.
د دې الهي روايت پر بنسټ چې د خداى له حكم نه سرغړونې سمدستي شيطان له الهي نظام څخه شړل كېږي او د خداى لعنت پرې وركول كېږي، ځكه شيطان لومړى هغه دى چې د انسان د ضعيفولو هڅه كوي او په خپل مغرور طبيعت سره پر انسان برتري غواړي.
دا الهي سنت په انسانانو او د پیغمبرانو په رسالت کې هم په ښه توګه لیدل کیږي، په دې معنی چې هر چیرې چې انسان کمزوری وي، متکبران راپورته کیږي. خدای تعالی د رسولانو په لېږلو او د مادي او معنوي وسايلو په رالېږلو سره له انسانانو سره مرسته کړې او د متکبرانو له ظلم څخه يې ژغورلي دي.
دا لړۍ د خداى د پېغمبرانو تر وروستي پېغمبره پورې روانه وه او كه څه هم له بده مرغه په ډېرو قضیو كې د خلكو د ملاتړ د نشتوالي له امله هيڅكله يو الهي او عدالت لرونكي حكومت جوړ نه شو، خو پیغمبرانو او د هغوی جانشینانو د نړیوال عدالت د حکومت د جوړولو لپاره د اساساتو په بیانولو او د مبارزې د نمونو په وړاندې کولو سره زمینه برابره کړه.
له دې څخه څرګندېږي چې د ولس ملاتړ او د ظلم پر وړاندې د هغوی پاڅون یو له مهمو عواملو څخه دی او ښايي ووايو چې د قرانکريم د آيتونو له مخې د خپلواکۍ، ازادۍ او انساني کرامت د تحقق تر ټولو مهم عامل دی مطلب دا چې که خلک بیدار نه شي او که ولسونو له استکبار سره د مبارزې اراده ونه لري، تل به مظلوم وي او متکبران به پرې واکمن وي.
نن هم په نړۍ کې استبدادي او ظالم قدرتونه په هره طریقه د ولسونو د ضعیفولو او غلامۍ کولو په لټه کې دي او د خپلو شومو موخو د ترلاسه کولو لپاره هیڅ ډول جنایت نه پریږدي چې په تېرو لسیزو او پېړیو کې د نړیوالو جګړو او بشري جنایتونو تاریخ د دې حقیقت ښه ثبوت دی. خو هرکله چې خلکو د خپلواکۍ اراده وکړه او د مستکبرانو له غلامۍ څخه یې خلاصون وکړ، نو د خدای نعمتونه یې په کې شامل کړل او د دښمنانو د ګڼې ګوڼې او د هغوی د ستر ځواک سره سره یې بریالي شوي دي.
له همدې امله د استکبار پر وړاندې د عدالت د تحقق او د ظالمانو او متکبرانو پر وړاندې د مبارزې لړۍ د پیدایښت له پیله ده او تل به د تاریخ په اوږدو کې روانه وي او په پای کې همدا خلک دي چې کولای شي د نړۍ د متکبرانو پر وړاندې په جدي عزم او پاڅون سره د نړیوال عدالت د تحقق لپاره زمینه برابره کړي.
