د صنعت او سوداګرۍ وزارت د مطبوعاتي د معلوماتو له مخې؛ په دې کتنه کې، سوداګرو په هېواد کې د سرطان ناروغۍ د درملنې لپاره د سهامي شرکت له لارې د سمبال روغتون پر جوړولو خبرې وکړې او د ویزو په برخه کې یې خپلې ستونزې شریکې کړې او د حل غوښتنه یې وکړه.
هغوی دغه راز د خپلو فابریکو د تولیداتو د کاپي کېدو د مخنیوي غوښتونکي شول.
په همدې حال کې، د صنعت او سوداګرۍ وزارت معین ویلي: امیرالمؤمنین (حفظه الله) تل د صنعتکارانو او سوداګرو ملاتړ کړی دی؛ د صنعت او سوداګرۍ وزارت د سوداګرو او صنعتکارانو کور دی او د هغوی هر اړخیز ملاتړ کوي.
هغه همدا رنګه، د ستونزو د حللارو موندلو لپاره، سوداګرو ته ډاډ ورکړی او ویلي یې دي چې ستونزې او وړاندیزونه به یې د تائيد په موخه له اقتصادي کمېسیو سره شریک شي.
