محمد صادق، د افغانستان لپاره د پاکستان ځانګړی استازی، او ژیل برتران، د افغانستان په چارو کې د اروپایي اتحادیې ځانګړې استازې، د پنجشنبې په ورځ، د حوت ۷مه، په یوې آنلاین خبرې غونډه کې په افغانستان کې د بشري حقونو د وضعیت په اړه بحث او نظریات شریک کړل.
د افغانستان لپاره د پاکستان د ځانګړي استازي په وینا، که څه هم د دې خبرو اترو بنسټېزه موضوع د بشري د حقونو موضوع وه، خو دواړو لورو د سیاسي موضوعاتو، امنیتي بدلونونو او د سیمې اړوند ترهګریز ګواښونو په اړه یي هم سلامشورې وکړې.
دا خبرې اترې په داسې حال کې ترسره سوې چې اسلامآباد پدی وروستیو کې د افغانستان پر خاوره هوایي بریدونه کړي او صادق د ازبکستان، ایران او اروپایي اتحادیې له استازو سره جلا غونډې هم کړي، چې د سیمې وضعیت ته یي پاملرنه زیاته کړې ده.
ژیل برتران مخکې له دې د رسنیو سره په خبرو کې ټینګار کړی و چې د طالبانو د محاکمو جزایي اصولنامه په افغانستان کې د ټولنیزي نابرابرۍ د ټینګیدو لامل سوې ده.
