د معمار خبري اژانس د راپور له مخې ؛ د طالبانو تر کنټرول لاندې رسنيو راپور ورکړی چې تیره ورځ ۵۱۱ کډوالې کورنۍ افغانستان ته ستنې سوې دي.
د باختر خبري اژانس د سهشنبې په ورځ، د حوت ۵مه اعلان وکړ چې ډېری دغه کورنۍ له پاکستان څخه ایستل سوې دي.
له دې دوه ورځې وړاندې هم له ۶۰۰ څخه زیاتې کورنۍ افغانستان ته ستنې سوې وې.
د ملګرو ملتونو د راپور له مخې، په ۲۰۲۵ میلادي کال کې شاوخوا ۲.۸ میلیونه افغان کډوال له پاکستانه افغانستان ته ستانه سوي دي.
همدارنګه، په افغانستان کې د کډوالۍ نړیوال بنسټ استازي، عرفات جمال د جمعې په ورځ، د دلو ۲۴مه په یوه خبري غونډه کې وویل چې د ۲۰۲۳ کال د اکتوبر راهیسې تر اوسه پورې ۵.۴ میلیونه وګړي افغانستان ته ستانه سوي دي چې ډېری یې له پاکستان څخه دي.
