د معمار خبري اژانس د راپور له مخې ؛ د افغانستان د آزادۍ جبهې اعلان کړی چې د روژې میاشتې په جریان کې به خپل نظامي عملیاتونه په یو اړخیز ډول دروي.
دغه جبهې د چهارشنبه په ورځ ، د ۲۹ دلو په یوه خبرپاڼه کې وویل چې دا پرېکړه د نن ورځې څخه تر د کوچني اختر پورې دوام لري او موخه یې د روژې میاشتې درناوی او د روژه لرونکو ښاریانو د آرامتیا تأمین بلل سوې ده.
په خبرپاڼه کې راغلي چې د نظامي عملیاتو درول مشروط دي او یوازې په هغه صورت کې به دوام وکړي چې د جبهې پوستې او ځواکونه د مستقیم برید یا ګواښ سره مخ نسي.
د آزادۍ جبهې همدارنګه خبرداری ورکړی چې که طالبان د جګړي هڅوونکي کړنې ترسره کړي، لکه خلکو، په ځانګړې توګه د ښځو ځورول او تاوتریخوالي ، د جبهې ځواکونه به انتقامي او د مخنیوي اقدامات ترسره کړي.
