د معمار خبري اژانس د راپور له مخې؛ د افغانستان د آزادۍ جبهې اعلان کړي چې د دوشنبې په ماښام د دلو ۲۷مه، په کندز ولایت کې ،پر طالبانو د چوک بالا حصار په پر یوه پوسته باندي یي برید کړي. د دې ډلې د خبرپاڼې له مخې، په دې عملیاتو کې د طالبانو دوه کسان وژل سوي او دوه نور ټپیان سوي دي.
په همدې وخت کې، د کندز ځايي سرچینو په همدغه سیمه کې د چاودنې د پیښېدو خبر ورکړ.
تر اوسه طالبانو د دې برید په اړه کوم غبرګون نه دی څرګند کړی.
مخکې هم د افغانستان د آزادۍ جبهې د یکشنبې په ورځ، د دلو ۲۶مه، د کندز ولایت د لومړي امنیتي حوزي پر طالبانو برید کړی و، چې پکښې د طالبانو دوه غړي ووژل سول او یو تن ټپي سوی و. د دواړو بریدونو اړونده عکسونه د دې ډلې لخوا د ایکس په ټولنیز شبکې کې خپاره سوي دي.
