د معمار خبري اژانس د راپور له مخې، د طالبانو د کورنیو چارو وزارت د دې ډلې د ترافیک د عمومي ریاست کارکوونکو ته د نوو موټرو د وېش خبر ورکړی دی.
عبدالمتین قانع، د طالبانو د کورنیو چارو وزارت ویاند، ویلي چې د دغو موټرونو په ورکړه سره به د ترافیکي قوانینو د تطبیق کچه په څرګنده توګه لوړه سي او ترافیک پولیس کولی سي د پېښو او ترافیکي پېښو په صورت کې چټک او اغېزمن حضور ولري.
د هغه په وینا، دا اقدام د کورنیو چارو وزارت د هڅو یوه برخه ده چې د ښارونو د ترافیک نظم ښه کړي او د ترافیک پولیسو خدمتونه لوړ کړي.
تر اوسه پورې د وېشل سوو موټرو شمېر او د هغوی د کارونې ځای په اړه نور جزئیات نه دي وړاندې سوي.
